| Главная » Статьи » Литература » Нарты кадджытæ |
САТАНАЙЫ ЗАРÆГ
| САТАНАЙЫ ЗАРÆГ Нарты кадджын, хуры 'мсæр дæ, Сатана. Цæхæр зынгау дæ цæстытæ, Сатана. Бурдзæбæх дæ, сау æрфыг дæ, Сатана. Фурдау фæтæн у дæ зæрдæ, Сатана. Рæтæнæгъдтæ – дзыггуты быд, Сатана. Хуры фендау у дæ рацыд, Сатана. Дæ дзыхы дзырд мырмыраг у, Сатана. Бæрæгвæййы де стыр бæркад, Сатана. Дзургæ-дзурын – дзæнгæрджытæ, Сатана. Дæуæн вæййынц дæ ныхæстæ, Сатана. Комы айзæлд – дæ дзыхы дзырд, Сатана. Мады хъæбыс – дæ барæвдыд, Сатана. Дæ ныхы 'вæрд – мæйы быдыр, Сатана. Дæ дæллагхъуыр – хуры быдыр, Сатана. Сырх фæткъуытæ – дæ уадултæ, – Сатана. Æртæ Нартæн сæ хъæбул дæ, Сатана. Денджызтæ сты дæ цæстытæ, Сатана. Дæ риуты 'вæрд – хурхæтæнтæ, Сатана. Галæгонау – дæ иу фæзынд, Сатана. У бæркадджын дæ иу фæзылд, Сатана. Дæ къухтæ сты фарнæрхæссæг, Сатана. Дæ къæхтыайст – бæркадхæссæг, Сатана. Царды амонд – дæ фынгæвæрд, Сатана. Дæ ном махæн бирæ цæрæд, Сатана. Мады хъæбыс у дæ рæвдыд, Сатана. Сиргæ-лидзгæ у дæ рацыд, Сатана. Сатанайы ном чи ары, Сатана. Уый йæхицæн цард фæары, Сатана. | |
| Просмотров: 284 | Комментарии: 1 | |
| Всего комментариев: 0 | |
